Интерншип хөтөлбөрт хамрагдан Японд ирээд жил гаруй болж байна. Энэ хугацаанд би өөртөө маш их хөрөнгө оруулалт хийсэн гэж боддог. Япон улсын өндөр хөгжил, хүмүүсийн хичээнгүй байдал, нэг зүйлд тууштай хандах гээд би маш их зүйлийг сурч мэдсэн. Хэрэв та өөрийгөө нээж, хөгжүүлэхийг хүсч байвал интерншипийг сонгоорой.

Намайг Далантай гэдэг. Одоо 21 настай. Энэ жил Соёл-Эрдэм дээд сургуулийн Япон хэлний орчуулагчийн ангид элсэн орсон. Ирэх жил Япон явж суралцах болсондоо баяртай байна. Анх энэ сургуульд ороод багш нарын заах арга зүй болон харилцааны соёл нь үнэхээр таалагдсан. Мөн Японд суралцаж байх хугацаандаа хичээлээ цахимаар судалдаг нь давуу тал юм.

Миний нэрийг Гэрэлт-Од гэдэг. Би Соёл-Эрдэм дээд сургуулийн орчуулагчийн ангийн 1-р курсийн оюутан. Би үзэсгэлэнт байгалтай газраар аялах дуртай. Японы хүүхэлдэйн кино болон соёлыг маш их сонирхдог. Энэ жил Япон явах болсондоо баяртай байна. Япон явж сурч мэдэх зүйл олон байгаа болохоор цаашид улам хичээх болно.

Сайн байна уу? Намайг Энх-Оюун гэдэг. Япон хэл сурч, Япон улс руу явах сонирхолтой тул энэхүү сургуулийг сонгож орсон юм. Япон хэл сурах тусам улам сонирхолтой болж байна. Сургуулийн шугамаар Япон улс руу явах болсондоо маш их баяртай байгаа. Ийм боломж олгосон багш нар болон сургуулийн хамт олондоо баярлалаа.

Сайн байна уу? Соёл эрдэм дээд сургуулийн төгсөх курсын оюутан Улсмандах байна. Өнгөрсөн жилийн 7 сараас сургуулийн шугамаар 1 жилийн хугацаатай Япон улсад цалинтай дадлага хийхээр болсон. Жилийн хугацаа удаан мэт санагдаж байсан ч маш хурдан өнгөрч олон зүйлийг сурч мэдсэн үр дүнтэй цаг хугацаа болж байна.

Сайн байцгаана уу? Ч.Наймангал байна. Ахлах ангид байхаасаа япон хэл, япон соёлыг сонирхох болж сургуулиа төгсөөд Соёл-Эрдэм дээд сургуульд элсэн орсон. Ирэх жил Япон улсад суралцахаар явах болсондоо үнэхээр баяртай байна. Ийм сайхан боломж олгосон Соёл-Эрдэм дээд сургуулийн нийт хамт олонд талархал илэрхийлье.